احنا براند مصري بدأنا من ٢٠١٧. بنعمل شنط يدوية بتصميمات والوان مميزة ، مصنوعة كلها بالإيد من الألف الي الياء، الشنط مصنوعة من خيوط قطن تركي جودتها عالية جداً مش بتغير لون او تبهت.

انا صاحبة البراند اسمي مريم وعندي ٢٧ سنة ، بدأت من سنة ٢٠١٧ لوحدي ، بعدين بدأ افراد جداد يشتغلو معايا عشان يساعدوني وحالياً شغال معايا في الفريق ٥ افراد كمان.

الشنط اللي مميزين بيها إسمها الاصلي wayuu bags ومنشأها في كولومبيا-امريكا واسم الشنط جاي من القبيلة المشهورة بصناعة الشنط " wayuu” عشان كدة حبيت اسم البراند يكون رابط ما بين اسمي و اسم القبيلة فا سميت البراند Mayuu.
الفترة الحالية بحاول علي اد ما اقدر اضيف منتجات يدوية جديدة تكون مميزة ومش منتشرة او معروفة كتير ، عشان اما بدأت البراند كان هدفي الاول اني اعمل حاجات مميزة محدش يقدر يلاقيها بسهولة في حتة تانية.

حالياً احنا مش بنوصل لمصر بس، حالياً في شحن دولي لأغلب الدول العربية ومن بداية الشحن الدولي ٢٠٢١ تم شحن اكثر من ٣٥٠ منتج الي خارج مصر.